Taxonomy: Loriyan
So ja gudia.. (jaruri nahi ki lori aap chote bache ko sulaane ki liye hi gaaye... ye lori mai apni patni shree ko sullane ke liye gaata hota hun)
So ja gudia... so ja gudia...
Chal sapno mai kho ja gudia...
So ja gudia... so ja gudia...
Chal nindiya ki ho ja gudia...
Aankhon mai afsaane rakhle
Lab pe geet suhane rakhle
Sapno ki har ek nagri mai
Ek ek shaam bitaani hogi
Ek mai banka raja hoga
Ek mai natkhat raani hogi
Un dono ki prem kahani...
Mai deewaani ho ja gudia...
So ja gudia... so ja gudia...
Chal sapno mai kho ja gudia...
So ja gudia... so ja gudia...
Chal nindiya ki ho ja gudia...
Uth ja udan khatola leke
Kisso wala jhola leke
Sunder rajkumari ki bhi
Usmai ek kahani hogi
Jab vo gudia soyegi tab
Mithi lori gaani hogi
Sunke uski mithi lori
Tu nindiya ki ho ja gudia...
So ja gudia... so ja gudia...
Chal sapno mai kho ja gudia...
Rajkunvar jab ghar aayenge
tujhko vo sota payenge
tujhko yun sota paakar
vo khushiyoN se bhar jayenge
tu khushiyoN ki kahaani ban ja
un angiyoN ka paani ban ja
bhul ke ab tu saari duniya
un ankhiyoN mein kho ja gudia...
So ja gudia... so ja gudia...
Chal sapno mai kho ja gudia...
Manoj Garg